ނަސޭހަތް: ޤުރުއާނާއި މެދު ވިސްނާ ފިކުރު ކުރުން

ލައިފްސްޓައިލް

ކަރާ އައިސްޓީ

<p>ރޯދަމަހު ތަފާތު ބާވަތްތަކުގެ ކާބޯތަކެތި ތައްޔާރުކޮށްލުމަކީ ކޮންމެ މީހަކުވެސް ބޭނުންވާ ކަމެކެވެ. މިއަދު މި ގެނެސްދެނީ ކަރާ އައިސްޓީ ތައްޔާރު ކޮށްލާނެ ގޮތެވެ.</p><p></p><p><strong>ބޭނުންވާނެ ތަކެތި</strong></p><p>4 ޖޯޑު ކަޅުސައި<br>2 ޖޯޑު ކަރާގެ ދިޔަ ( ފޮނިކޮޅު ) (%100 ޖޫސް) – ރަނގަޅަށް ފުރާނާފައި<br>1 ލުނބޯލުގެ ހުތް<br>ކިރިޔާ ރަހަލާވަރުގެ އިނގުރުކޮޅެއް (ތުނިކޮށް ކޮށާފައި)<br>3 މޭޒުމަތީ ސަމުސާ ހަކުރު</p><p><strong>ހައްދަވާނެގޮތް</strong>:</p><p>ކަރާ ފިނި ސައި ހެއްދެވުމަށް ހުރިހާ ބައިވަތެއް އެއްކޮށް ޖަގެއްގައި ގިރުއްވުމަށް ފަހު ފޮނި ހެޔޮވަރު ކޮށްލައްވާށެވެ. ދެން ރަނގަޅަށް ފިނިވަންދެން އައިސްއަލަމާރީގައި ބަހައްޓަވާށެވެ.</p>

ސިއްޙަތު

އިރުގެ އަލިން ސިއްޙަތައް ކުރާ 5 ފައިދާއެއް

<p>އަވިން ރައްކާތެރި ކުރާ ލޯޝަނެއް ބޭނުން ނުކޮށް، މާ ގިނަވަގުތު އަވީގައި ހޭދަކުރުމަކީ ހަމުގެ ކެންސަރަ މަގުފަހިވާ ކަމެކެވެ. ނަމަވެސް އިރުގެ ދޯދި ތަކަކީ ހަށިގަނޑުގެ ވަގުތަށާއި، މޫޑަށާއި އަދި ތިބާގެ ސިއްޙަތައް މުޙިއްމު އެއްޗެކެވެ.</p><p><strong>1- އިރުގެ އަލީގެ ސަބަބުން ހެނދުނު ހޭލުމަށާއި ރޭގަނޑު ނިދުމަށް ފަސޭހަ ވެއެވެ.</strong></p><p>ހަށިގަނޑުގެ ވަގުތާއި ބެހޭ ދިރާސާތަކުން އެނގޭ ގޮތުގައި ގަޑި ތަފާތުވާ ޒޯންތަކަށް ހޭނުމަށްޓަކައި، ހެނދުނުގެ ރަނގަޅު ވަގުތުގައި އަތްވަށް ނުކުތުމަކީ ރަނގަޅު ގޮތެކެވެ. ހެނދުނު ލިބޭ އަވިން/އިރުގެ ދޯދިތައް ގަޔަށް އެޅުމުން ދޭހަވަނީ އެއީ ދުވާލުގެ ވަގުތުކަމާއި "މެލަޓޮނިން" ހޯމޯން އުފެއްދުން ހުއްޓުވުމަށް ސިކުޑިއަށް ސިގްނަލް ފޮނުވައި ދިނުމެވެ. އަދި ރޭގަނޑުވެ ނިދަންވުމުން މި ހޯމޯން އުފެއްދުމަށް ސިކުޑިއަށް ސިގްނަލް ފޮނުވައި ދިނުމެވެ.</p><p><strong>2- ހެނދުނު އަވީގައި އުޅުމުން ބަރުދަން ލުއިވުމަށް އެހީވެދެއެވެ.</strong></p><p>ފަހުގެ ދިރާސާއަކުން އެނގޭގޮތުގައި، ދުވަހުގެ ކުރީކޮޅު އިރުގެއަވި ލިބޭ ބޮޑެތިމީހުންގެ ބަރުދަން ލުއިވެއެވެ. ރަނގަޅު ނިންޖެއް ނިދުމަށްވެސް ހެނދުނުގަޑީގެ އަލި ބޭނުންވެއެވެ. ފުރިހަމަ ނިދި ލިބުމުން ބަރުދަން ލުއިކުރުމަށް ފަސޭހައަކަށް ވެއެވެ.</p><p><strong>3- ފިނިމޫސުމުގެ ފިނިކަމާއި ހަނގުރާމަ ކުރުމަށް އަވި ބޭނުންވެއެވެ.</strong></p><p>ފިނިމޫސުމުގެ ދިގު ރޭގަނޑުގެ ސަބަބުން ލިބޭ ވަރުބަލިކަމާއި ބަލިމަޑުކަމަށް އޮތް އެންމެ އާންމު އަދި ރަނގަޅު އެއް ފަރުވާ އަކީ ގުދުރަތީ ގޮތުން ލިބޭ އައްޔެވެ. ސައިކޭޓްރިސްޓުން ބުނާގޮތުގައި ގިނަވަގުތު އަވި ލިބި ބޭރުގައި އުޅޭމީހުންގެ ހަށިގަނޑާއި ސިކުނޑީގެ ބަލިތަކަށް ފަރުވާ ލިބިދެއެވެ.</p><p><strong>4- އިރުގެ އަލީގެ ސަބަބުން ހަށިގަނޑުގެ ކަށިތައް ވަރުގަދަ ވެއެވެ.</strong></p><p>މިކަމުގެ ސަބަބަކީ، އަވި ލިބުމުން ހަށިގަނޑުން ވިޓަމިން ޑީ އުފައްދައި ދޭތީއެވެ. އަދި ހަށިގަނޑަށް ކެލްސިއަމް އިތުރު ކޮށްދިނުމަށް އިރުގެ އަލިން ލިބިދޭ ވިޓަމިން އެހީވެދެއެވެ. ކެލްސިއަމް އަކީ ކަށިތަށް ވަރުގަދަ ކުރުމަށް ވަރަށް މުހިއްމު މާއްދާއެކެވެ. ހަމަށް އިރުގެ އަލި އެޅުމުން، ކޮލެސްޓްރޯލް އިން ވިޓަމިން ޑީ އުފައްދަން ފަށައެވެ.</p><p><strong>5- އަވިން ލިބޭ ވިޓަމިން އަކީ، ކެންސަރު ޖެހުން ހުއްޓުވުމަށް ސަލާމަތެކެވެ.</strong></p><p>ބައެއް ދިރާސާ ތަކުން ދައްކާ ގޮތުގައި އަވިން ލިބޭ ވިޓަމިންގެ ސަބަބުން އުރަމަތީގެ އަދި ޕުރޮސްޓޭޓް (ބުލެޑާ ތިރީގަ އިންނަ ގްލޭންޑެއް) ކެންސަރާއި، ހިތުގެ ބައްޔާއި އަދި އެހެނިހެން ބަލިތަކުން ސަލާމަތް ކޮށްދެއެވެ. ވިޓަމިން ޑީ މަދުވުމުގެެ ސަބަބުން ކަށިތަށް އައިބުވެ ކިޑުނީ މައްސަލަތައް ޖެހެއެވެ.</p><p>&nbsp;</p><p>ކޮންމެ ދުވަހަކުވެސް އިރުގެ އަވި ލިބޭތޯ ބަލާށެވެ. އަލި ހަންގަނޑަކަށް ނަމަ 15 މިނެޓް، އަނދިރި ހަންގަނޑެއްނަމަ 20 މިނެޓެވެ. އެއީ ކަޅު ހަންގަނޑެއް ނަމަ މެލަނިން (ހަން ކަޅުކޮށްދޭ މާއްދާ) އަށް ވިޓަމިން އުފެއްދުމަށް އުނދަގޫ ވާނެތީއެވެ. ނަމަވެސް ބައި ގަޑިއިރަށް ވުރެއް ގިނައިން އަވީގައި އުޅޭނަމަ ރަނގަޅީ ރައްކާތެރިކަމުގެ އެއްޗެއް ބޭނުން ކުރުމެވެ.</p><p></p><p></p><p>މަސްދަރު: ދިއިސްލާމް.ކޮމް</p>

ލައިފްސްޓައިލް

ބަދިގެ: މަސްފެން

<p>މަސްފެނަކީ ތ.އަތޮޅުގެ ރައްޔިތުންގެ އިތުރުން މުޅި ރާއްޖޭގައިވެސް ކެއުމުގެ މަގުބޫލް ބާވަތެކެވެ. </p><p></p><p><strong>ބޭނުންވާނެ ތަކެތި</strong></p><ul><li><p>½ ޖޯޑު ވަޅޯމަސް (ކުދިކޮށް ކޮށާފައި)</p></li><li><p>15 ހިކަނދިފަތް</p></li><li><p>ލުނބޯ</p></li><li><p>ލޮނު</p></li><li><p>ގިތެޔޮ މިރުސް</p></li><li><p>1 ބޮޑު ފިޔާ (ކޮށާފައި)</p></li><li><p>2 ޖޯޑުގެ ކާށިކިރު</p></li></ul><p><strong>ތައްޔާރުކުރާނެ ގޮތް</strong></p><p>ފިޔަ އާއި ހިކަނދިފަތާއި ގިތެޔޮ މިރުސް އެއްކޮށްލުމަށްފަހު ލުނބޮއާއި ލޮނު އަޅައިގެން ރަނގަޅަށް މޮޑެލާށެވެ. މޮޑޭއިރު ދިޔަ ނިކުންނަ ވަރަށް ފިޔާތައް ރަނގަޅަށް ޗަސްވެސް ކޮށްލަންވާނެއެވެ. އެއަށްފަހު ވަޅޯމަސްކޮޅު އަޅާލާފައި އަނެއްކާވެސް ވަރަށް ރަނގަޅަށް މޮޑެލާށެވެ. އެއަށްފަހު ކާށިކިރު އެޅުމަށްފަހު ރަނގަޅަށް އެއްކޮށްލާށެވެ. </p><p>މިހާރު ތިހުރީ މަސްފެން ހެދިފައެވެ. </p><p>&nbsp;</p>

ލައިފްސްޓައިލް

ފޭރާއި އޭގެ ސިއްޚީ ފައިދާ

<p>ފޭރަކީ އަނގަޔަށްމީރު ހަށިގަނޑަށް ފައިދާހުރި މޭވާ އެކެވެ. ފޭރަކީ ރާއްޖޭގެ ހުރިހާ ސަރަހައްދެއްގައިވެސް ހައްދާ މޭވާ އެކެވެ. އަނގަޔަށްމީރު މިމޭވާގައި އެކުލެވޭ ސިއްޚީ ފައިދާތަކަށް ބަލާލާއިރު:</p><p><strong>ހަކުރުބަލިން ރައްކާތެރިކޮށްދިނުން</strong><br>ފޭރުގެ ކޮންމެ 100 ގ އެއްގައި 5.4 ގ ފައިބަރ އެކުލެވޭ ކަމަށް ސިއްޚީ މާހިރުން ވިދާޅުވެއެވެ. ފޭރުގައި ގިނަ އަދަދަކަށް ފައިބަރ އެކުލެވުމުގެ ސަބަބުން ލޭގައި ހިމެނޭ ހަކުރުގެ މިންވަރު ދަށްކޮށްދީ ހަށިގަނޑުން ހަކުރު ބޭނުންކުރާ މިންވަރު ދަށްކޮށްދެއެވެ.</p><p><strong>ކެންސަރުން ރައްކާތެރިކޮށްދިނުން</strong><br>ފޭރުގެ ކޮންމެ 100 ގ އެއްގައި 5204 މައިކްރޯ ގްރާމް ލައިކޯޕީން އެކުލެވޭ ކަމަށް ސިއްޚީ މާހިރުން ވިދާޅުވެއެވެ. ފޭރުގައި ގިނަ އަދަދަކަށް ލައިކޯޕީން އެކުލެވުމުގެ ނަތީޖާއެއްގެ ގޮތުން ޕްރޮސްޓޭޓް ކެންސަރާއި، އުރަމަތީގެ ކެންސަރު ފަދަ ނުރައްކާތެރި ބަލިތަކުން ރައްކާތެރިވުމަށް އެހީތެރިވެދެ އެވެ.</p><p><strong>ލޭގެ ޕްރެޝަރ އެއްވަރެއްގައި ހިފަހައްޓައިދިނުން</strong><br>ފޭރުގެ ކޮންމެ 100 ގ އެއްގައި 417 މިލިގްރާމް ޕޮޓޭސިއަމް އެކުލެވެއެވެ. ޕޮޓޭސިއަމް ލޭގެ ޕްރެޝަރު ކޮންޓްރޯލްކޮށްދީ، ހިތުގެ ވިންދު އެއްވަރެއްގައި ބެހެއްޓުމަށް އެހީތެރިވެދެއެވެ. އަދި ފޭރުގައި އެކުލެވޭ ފައިބަރ ގެ ސަބަބުން ލޭގެ ޕްރެޝަރު ދަށްކޮށްދީ، ލޭގެ ސަރުބީގެ މިންވަރު ދަށްކޮށްދީ، ލޭމައްޗަށްދިއުމާއި ހާޓް އެޓޭކް ޖެހުން ފަދަ ހިތުގެ ބަލިތަކާއި ދުރުކޮށްދެއެވެ.</p><p><strong>ލޮލުގެ ފެނުން ރަނގަޅުކޮށްދިނުން</strong><br>ކެރެޓާއި މަހުގެ ބާވަތްތަކާއި އެއްގޮތަށް ފޭރަކީވެސް ލޮލުގެ ފެނުން ރަނގަޅުކޮށް ދިނުމުގައި އެހީތެރިވެދޭ ކާނާ އެކެވެ. ފޭރުގެ ކޮންމެ 100 ގ އެއްގައި 624 އައިޔޫ ވިޓަމިން އޭ އެކުލެވެއެވެ. ވިޓަމިން އޭ ލޮލުގެ ފެނުން ރަގަޅުކޮށްދީ ލޮލުގެ ބަލިތަކުން ސަލާމަތްކޮށް ރައްކާތެރިކޮށް ދެ އެވެ.</p><p>މީގެ އިތުރުންވެސް ހަށިގަނޑަށް އެތައް ފައިދާ ތަކެއް ލިއްބައިދޭ މާއްދާތައް ފޭރުގައި އެކުލެވެއެވެ. އެހެންކަމުން ފޭރަކީ ދުޅަހެޔޮ ސިއްޚަތެއްގައި ހުރުމަށް އާދަކޮށް ކެއުން ރަނގަޅު މޭވާ އެކެވެ.</p><p></p><p>މަސްދަރު: ދިއިސްލާމް.ކޮމް</p>